Erriko Seme Donostiarra

Serafin Baroja

1883

Begietan farrak: aboan, fina,

Itz erdi egokia edo lorea.

Sudura zertxobat lotsagabea,

Damakin beldurti, moldatu ezina.

Naiz pobre edo aberats, beretzat dina,

Pixoialetatik soinuzalea,

Dantz guzietan zan paregabea

Ta ez zitzaion irten lenengo agina.

Txapel altuakin, boina jetxirik

Begiraino, edo utsik kalparra,

Ondo beti; nai dan soina jantzirik

Dirudi dukea; naiz izan zarra,

Ume beti. Au da bizi-bizirik

Erriko semea. Donostiarra.