Sitio, asalto, saqueo e incendio

de la plaza de San Sebastián

por las tropas aliadas angloportuguesas

Bizente Etxagarai

1813

Nere Donostico

erritar maiteac,

canta dezagun gogoz

gure naigabeac,

mundubac jaquin dezan

cer zaigun guertatu

ta nolaco estaduban

gueraden guelditu.

Bost urte igaro ondoan

penaz beterican

frantzesa guregandic

eciñ botarican,

atzeneco paguba

ezta izan gaiztoa,

iñorc munduban aitu

ez becelacoa.

Dichoso izan uste

guenduben orduban,

orricari guelditu

guerade munduban.

Etsayac juban eta

aliyatubaquin

arquitzen guera guztiz

pagu onarequin.

Gure euscaldun errico

soldadu nobleac

asiyeran guinducen

sitiyadoreac.

Gazteluba nai zuben

ichaso aldetic

artu, eta frantzesa

cojitu atzetic.

Jende eta denbora

gutxi galdurican

libre guelditzen guiñan

etsayetatican.

Baña nola Inglesa

degun jaun ta jabe,

laster utzi guinduben

españolic gabe.

Iru oguei milla bala,

bonba eta granada

erriyan sartu dala

duda gabea da.

Eztu iñorc munduban

inglesa aboan

plaza fuertiagoric

izango gogoan.

Bazterrez ta itxasoz

illabete biyan

beren ustez egondu

dirade guardiyan.

Amar bat milla guizon,

gañera ontzi asco,

frantzes chaluparican

ez igarotzeco.

Santa Claraco isla

zutenian artu,

etzuten uste iñor

citeguian sartu.

Baña nola ceguan

frantzesa contuban,

gau faltatu gabe

sartzen zan portuban.

Ingueles Portuguesac

arturic erriya

biyac eguin digute

cenbait picardiya.

Biolatu eta ill,

saquiatu guztiya,

eta guero ondoren

erre Donostiya.

Bost milla alimali

edo zagui erari

Donostiya costatu

zayo inguelesari.

Aguardientaz beteric

nagusi-morroyac,

egunaz eta gabaz

guztiyac ordiyac.

Mozcorrac daude beti

burubac galduric,

eta icusten ez dute

iñon peligroric.

Fusilla aguardintaz

carga baliteque,

bala gustoz aboan

artuco luteque.

Donostiar tristeac

cer eguingo degu!

Nola negu gogorra

igaroco degu!

Ez erri eta ez eche

ezta ere erroparic,

jatecoa garesti

ta ez izan diruric.