KATTALIN

        Anonimoa

        Musika: Etxeberria-Gimon

Doinua (MIDI) | Partitura (PDF) | Diskografia

        Bada beste Kattalin bat, kantu errusiar ezagun baten gainean Jon Mirandek jarritako letrarekin Oskorrik interpretatua. Kantu horrek baztertu egin du gure Kattalin hau.

        Baina... Kattalin edo Katalin?

        Emakumea aipatzen duenetan Mirandek jarrera misogino samarra ageri du ia beti, baina hala ere «Ene maite Kattalin» izendatu zuen poema, bustidurak ematen duen ezti puntu horrekin. 

        Gure interpreteek ere «Kattalin» ahoskatzen dute, hala bakarlariek nola abesbatzek. Esan genezake «Katalin» entzungo bagenu pentsatuko genukeela kantaria erdalduna dela.

        Eta hala ere...

        Izen eder eta gozo honek dauzkan arazoekin barre eta negar egin nahi duenak oso txosten interesgarria dauka Azpeitiko Euskara Patronatuak moldatuta:

        http://www.erabili.com/zer_berri/berriak/1055417667

Elizatikan konbenturaino egin digute galtzada,

azkeneko eguna da eta goazen guztiok dantzara.

Txin-txin txilibitu soinua, txin-txin txilibitu danbolin,

horrela bizi bagina beti ondo ginake Kattalin.

        Kattalin ene maitea!

Zorioneko danbolin soinu ederra gaztearentzat:

mutilarentzat atsegin ona, baina hobea guretzat.

Txin-txin txilibitu soinua, txin-txin txilibitu danbolin,

horrela bizi bagina beti ondo ginake Kattalin.

        Kattalin ene maitea!

Txit poz haundia sentitzen degu gure bihotz barrenean

mutil gazteak jolas onean gurekin dabiltzanean.

Txin-txin txilibitu soinua, txin-txin txilibitu danbolin,

horrela bizi bagina beti ondo ginake Kattalin.

        Kattalin ene maitea!

Plaza Berrian mutil gazteak dantatutzeko gure zai,

zaleturikan gaude gu eta dantzatu gaitian lasai.

Txin-txin txilibitu soinua, txin-txin txilibitu danbolin,

horrela bizi bagina beti ondo ginake Kattalin.

        Kattalin ene maitea!

Euskal Herriko soinu alaiak, irrintzi eta algara

pozkidatzera goazen guztiak salto ta brinko plazara.

Txin-txin txilibitu soinua, txin-txin txilibitu danbolin,

horrela bizi bagina beti ondo ginake Kattalin.

        Kattalin ene maitea!

Zer atsegina jai artsaldean kontzejuko atarian

alkarturikan gabiltzanean guztiak erokerian.

Txin-txin txilibitu soinua, txin-txin txilibitu danbolin

horrela bizi bagina beti ondo ginake Kattalin.

        Kattalin ene maitea!